• RSS订阅 加入收藏  设为首页
传奇私服

你饿唔饿啊?带你去食碗濑粉!

时间:2017-9-14 1:40:55  作者:admin  来源:www.hhcbw.com  查看:220  评论:0

正当广州嘅盛夏,每日8杯水,汗都流返8杯,热到连饭都冇胃口食...


原本谂住落场大雨降降温,点知气象局中午发布预警,“学校停课、企业(应)停工”...望一望办公室里面嘅领导,当呢条预警冇到,剩低嘅小小胃口都冇埋...


虽然冇胃口,但中午都系要食嘢嘅!饭,食唔落;粥,食唔饱;炒粉,太干;汤面,太斋;肠粉,太咸...(我哋羊城网嘅人,食饭就系咁难服侍!)...


难服侍:挑剔,难满足。


不过,作为业余美食爱好者嘅我,未到一分钟,我就拣好咗“好入口、食得饱、唔觉斋、唔重口”嘅美食——濑粉! 


你饿唔饿啊?带你去食碗濑粉!

laai6 fan2

濑  粉

你饿唔饿啊?带你去食碗濑粉!

濑粉呈圆条手指状,短而粗。最早产于1850年代嘅中山。

早期制作濑粉系用稠米浆放入特定嘅壶,喺滚水上方倾倒,米浆从孔中“濑”出又长又韧嘅粉条,入水遇热即成状,得名为濑粉。


后来改为先煮熟米粉,搓成粉团放喺槽孔中,用木塞挤压出粉条。濑粉制成之后,要放入冷水中冲洗,然后再煮食。

你饿唔饿啊?带你去食碗濑粉!

可能你会怀疑,濑粉“好入口、食得饱、唔觉斋、唔重口”,真系咁紧要?

绝对冇老点!传统广州濑粉用猪骨汤+米浆做成浓稠汤底,加入花生、虾米、叉烧、冬菇、油渣、萝卜粒做配料。濑粉软糯,但唔会滞。肉唔多,但肉香浓,好入口,更加好消化!


紧要:意思同“厉害”。

老点:欺骗。

滞:饱腻感。


你饿唔饿啊?带你去食碗濑粉!


单食一碗斋濑粉,虽然食得饱,但斋濑粉味道偏淡,可能会觉得有啲斋、唔够喉,为咗令濑粉嘅口感升级,嗜肉如命嘅广州人加入叉烧、烧鹅、牛丸...濑粉变成一碗冇饭嘅“碟头饭”,一个字:绝!


唔够喉:不过瘾。

绝:意思同“厉害”。


叉烧濑

▼▼

你饿唔饿啊?带你去食碗濑粉!

烧鹅濑

▼▼

你饿唔饿啊?带你去食碗濑粉!

有人钟意叉烧濑、烧鹅濑,一啖濑粉一啖肉。都有人钟情于斋濑粉,加少少咸菜、少少葱,享受唇齿间嘅“浓香软滑”。好多外省朋友拗爆头,谂唔明广州人点解钟意食咁“杰”嘅濑粉。


拗爆头:苦思冥想。

杰:粘稠。


呢个问题,全广州最出名嘅文明路“老西关濑粉”嘅老板伍文辉咁样回应:我哋西关就系咁食嘅,你钟意食就嚟食,唔钟意就食其他!


老西关濑粉

▼▼

你饿唔饿啊?带你去食碗濑粉!


好多人都话“粤菜没落”,濑粉其实都系其中之一。


曾几何时,横街窄巷都有濑粉坐镇,街边走鬼都有濑粉嘅浓香。

时至今日,老广想食濑粉举步维艰,后生一辈偏爱拉面同意粉。


曾经有人建议伍先生,将濑粉汤底“调稀”,加入辣、酸辣口味,但伍先生都一一回绝,坚持传统做法,佢始终相信:钟意食嘅人,一定会返嚟食!


蔡澜先生为“老西关濑粉”题字

▼▼

你饿唔饿啊?带你去食碗濑粉!


对于“粤菜没落”呢个命题,鲁迅先生多年前嘅一句话,已经总结咗原因:


「粤菜本没有没落,吃的人少了,也就成了“没落”。」

你饿唔饿啊?带你去食碗濑粉!

广州传统濑粉何止一家

想知道边间濑粉最好食

快啲搵

为食嘅 阿爆

你饿唔饿啊?带你去食碗濑粉!


© 2001-2013 聚闽北社区(www.hhcbw.com) 版权所有 All Rights Reserved.